Wapinga mkutano mkuu wa dayosis hadi mgogoro utakapomalizika

Na, Florence Sanawa
Sauti ya Mnyonge, Mtwara

WAZEE wa Kanisa la Kiinjili la Kilutheri (KKKT) Usharika wa Mtwara wamepinga kufanyika kwa Mkutano Mkuu wa Sinodi (Dayosisi) kabla ya kumaliza mgogoro  uliopo katika kanisa hilo dhidi ya askofu wa jimbo hilo Lucas Judah Mbedule uliodumu kwa zaidi ya miaka miwili sasa.

Kanisa hilo liliingia katika mgogoro baada ya kumtilia mashaka na kumtuhumu Askofu huyo kuwa na matumizi mabaya ya fedha  na kujimilikisha mali na viwanja vya kanisa hilo kinyume na taratibu za kanisa.

Akitoa tamko hilo wakati wa ibada leo mmoja wa waumini wa kanisa hilo aliyeteuliwa na wazee Steven Macha alisema kuwa  takribani miaka miwili sasa kanisa hilo limekuwa na  mvutano kati ya washirika hao wanaohitaji kuondolewa kwa Askofu huyo.

Alisema kuwa askofu huyo amekuwa akitenda mambo yasiyozingatia mafundisho ya kikristo kwa kwenda kinyume na madhabahu na kusababisha kuvurugwa kwa utaratibu wa heshima ya cathedral na kanisa kwa ujumla.

Macha alisema kuwa mkutano huo wa Sinodi uliopangwa kufanyika mwezi Mei 17-18 mwaka huu umewaalika maaskofu saba (7) akiwemo askofu mkuu wa kanisa hilo Askofu Dk Fredrick Shoo bila wazee wa kanisa hilo kushirikishwa hali ambayo imepelekea kuwepo kwa maamuzi ya kupinga mkutano huo.

Aidha wazee hao wamesema kuwa mbali na kiti cha uaskofu kurejeshwa pia kumekuwa na mambo yanayofanyika katika kanisa yenye sura ya kishirikina na kuwataka waumini wavae mavazi meusi na kuzuia ibada kufanyika za nyumba kwa nyumba wala mikusanyiko yoyote ya maombi katika wiki hiyo.

“Tumeona kuwa ipo michango inayoendelea kutolewa kwaajili ya kuuwezesha mkutano huo mkuu wa sinodi unatarajiwa kufanyika ndani ya usharika wetu tunaisitisha kwakuwa haijafata utaratibu wa kanisa letu endapo yakiendelea haya hatutasita kujitenga na Dayosisi  hii ya Kusini Mashariki…..

 “Tunafahamu zipo tetesi kuwa taaratibu zinazofanywa za kumteua Askofu wa Usharika wa Lindi kuja hapa ndiyo maana baadhi ya watu ambao waliacha kufika kwenye ibada wameanza kurudi bila hata ya kutubu kuna hoja za msingi za wakristo ambazo hazijajibiwa kuhusu fedha na viwanja” alisema Macha

Kwa upande wake Mwinjilisti wa Kanisa hilo Geofrey Mposola alisema maamuzi ya kanisa lazima ashirikishwe jambo ambalo limesemwa na wazee halitambui wala hakushirikishwa katika maamuzi hayo.

“Tumeshapeleka barua nyingi kwa Askofu mkuu tumsubiri yeye aje kuamua tuzungumze naye kwa upendo kwamba hapa kanisani kuna tatizo hili hivi kulukuwa na haja gani ya kuja kutangaza mambo haya hapa madhabahuni wakati tulishampelekea Askofu Mkuu barua zetu….

“Mimi hapa ni kama nipo hapa kama mbuzi wa kafara wakati mwingine  huwa ninajuta hata kwa nini Mungu alinileta hapa lakini ninajua kuwa lipo kusudi la Mungu kuwa hapa maazimio yaliyotolewa hapa mimi sijashirikishwa na sijayaandaa kabisa  kanisa litambue hilo tusifanye mambo kwa visasi…….

“Maamuzi yanapotolewa kanisani mimi kama mwinjilisti napaswa kushirikishwa lakini nilisafiri kama wiki tatu zilizopita niliporudi nakuta maazimio haya  nawaambia hatutaweza kupata malaika ambaye aataliongoza kanisa hili  bila kukosea lazima tujiongoze wenyewe lakini” alisema Mposola

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more