Pemba Kusini watakiwa kuharakisha hukumu

Na Zuhura Juma,
Sauti ya Mnyonge, Pemba

MKUU wa Mkoa wa Kusini Pemba, Hemed Suleiman Abdalla, amewataka watendaji wa mahakama kutekeleza majukumu yao ipasavyo kwa kusikiliza na kuzitolea hukumu kesi kwa muda mfupi zaidi, ili kuondosha usumbufu kwa wananchi.

Alisema ili kufanya shughuli zao za kimaendeleo, ni muhimu kwa mahakama kuharakisha kesi na kuzitolea maamuzi mapema, jambo ambalo halitoathiri shughuli za kimaendeleo za wananchi katika kujiwezesha kiuchumi.

Akizungumza katika maadhimisho ya siku ya sheria Zanzibar,zilizofanyika  katika uwanja wa Tenis Mjini Chake Chake, alisema Serikali itashirikiana na mahakama ili kuhakikisha haki inapatikama na kuimarisha uchumi wa nchi.

“Mashauri yanapokaa muda mrefu mahakamani bila kupatiwa hukumu, inaweza kuathiri  uchumi, kwani shughuli za wananchi huzorotesha shughuli za wananchi kiuchumi”, alisema Mkuu huyo.

Kwa upande wake, Jaji wa mahakama kuu Zanzibar ,Abdul-hakim Ameir Issa, aliwataka majaji, mahakimu na makadhi watimiza wajibu wao sambamaba na kufanya kazi kwa kufuata sheria, ili kuondosha mrundikano wa kesi na kuhakikisha hukumu zinatolewa ndani ya siku 60 kama sheria ilivyoeleza.

“Ushirikiano unahitajika kati ya watendaji wa Mahakama na wadau wengine, ili kuondosha malalamiko kwa wananchi, hii itasaidia upatikanaji wa haki kwa wananchi”, alisema Jaji huyo.

Alisema, mwaka 2018 watahakikisha suala la mrundikano wa kesi linakuwa historia katika mahakama zote Zanzibar.

Nae ,Mwanasheria dhamana kutoka Ofisi ya Mkurugenzi wa Mashitaka Pemba, Ali Rajab Ali, aliwataka wanasheria pamoja na watendaji wa mahakama kutii na kusimamia katiba na sheria, ili kuimarisha utawala wa sheria na kukuza uchumi wa nchi.

“Ikiwa tutazitii ipasavyo sheria na katiba, basi utawala wa sheria umeimarika na ukiimarika utawala na uchumi utakuwa, hivyo viongozi wawajibike ili kuondosha matatizo kwenye jamii”, alisema Mwanasheria huyo.

Jumla ya kesi 1322 za jinai  zimefikishwa  katika mahakama Kisiwani Pemba, ambapo kesi za jinai 1911 na kesi za madai 68 zimetolewa maamuzi.
Kauli mbiu ya mwaka huu ni”Imarisha Utawala wa Sheria katika kukuza Uchumi wa Nchi”.

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more