Soma namna watoto wa wanyonge wanavyosomea chini ya mti mkoani Mtwara

Na, Florence Sanawa
Sauti ya Mnyonge, Mtwara

WANAFUNZI wanyonge zaidi ya 200 wasomea chini ya mkorosho baada ya  madarasa yao yaliyojengwa kwa udogo kubomolewa  hali ambayo imewalazimu kusomea chini ya miti huku wakihofia kung’atwa na siafu miguu.

Mkurugenzi wa Halmashauri ya Wilaya hiyo Omary Kipanga ameagiza madarasa hayo kubomolewa haraka huku wanafunzi hao wakianza kusomea chini ya miti ya mikorosho.

Akizungumzia hali hiyo Mkurugenzi wa Halmashauri hiyo Kipanga alisema kuwa majengo hayo yalijengwa kwa utashi wa wananchi bila kushirikisha halmashauri hiyo.

“Kile kilichokuwa kimejengwa sio kwa maagizo ya ofisi yangu mimi nilipita mwezi wa kumi shule zote kukagua lakini sikuona majengo kama yale kama ni kujenga wamejenga wananchi tena kama sio Novemba itakuwa Desemba…….

“Hata mwongozo wa wizara ya elimu hausemi tujenge darasa kama lile hata jiko hatukuambiwa tujenge mfano ule hatukuagiziwa yale sio madarasa hata ingekuwa ya muda yale sio madarasa ule ni uchafu ulipo sio mahala pake ndio maana nimeagiza yabomolewa”  

Nae Mwalimu Mkuu Mitambo Shule ya Msingi Rashid Chalido  alisema kuwa baada ya kikao cha wazazi na walimu kilichofanyika mwaka jana mwishoni walikubaliana kujenga madarasa hayo ili kuwanusuru watoto na kero za mvua zinazokuwa zinawakabili.

“Mwaka jana tulifanya kikao tuliona tatizo ni kubwa na watoto wanaathiriwa na mvua shuleni ndio maana tuliamua kujenga midule ya muda ili watoto wapate pakujishikiza lakini tumepata agizo kutoka uongozi wa juu ikitutaka tuvunje hiyo midure ili kuanza ujenzi wa madarasa manne ambao unaanza mara moja” Chalido

Kwa upande wake mwenyekiti wa Kijiji  cha mitambo Salum Akola alisema kuwa kutokana na wazazi kuona adha waliyokuwa wakipata watoto shuleni hapo walilazimika kujenga madarasa ya muda ili kuwasaidia watoto hao.  

“Kwakweli sisi tulikwama hata ukiangalia wanafunzi wengi wamekwua wakitapakaa hovyo nje hali ambayo inamfanya mwalimu kushindwa kuwadhibiti kutokana uhaba wa madarasa hivyo kufanya utoro kuongezeka nyakati za masomo” alisema Akola

Katibu Msaidizi Mtandao wa Mashirika yasiyokuwa yakiserikali Wilaya ya Mtwara (MTWANGONET) Fidea Luanda alisema katika mradi wa Ufuatiliaji wa Matumizi ya Rasilimali za Umma katika sekta ya elimu ulitembelea shule sita na kubaini uwepo wa hali mbaya ya mazingira ya shule hizo ikiwemo Mitambo.

Alisema kuwa mbali na shule hiyo kuwa na madarasa matano yaliyojengwa kwa udogo na kuezekwa kwa makuti bado mlundikano wa wanafunzi katika madarasa hayo ulikuwa mkubwa zaidi kutokana na kuchanganyishwa kwa madarasa mawili.

“Yaani kutokana na uhaba wa madarasa walimu wanafundisha darasa la saba huku darasa la sita wako darasani, na ukifatilia utaona kuwa zipo shule zina madarasa mawili  watoto wako awali hadi darasa la saba niambie watasoma vipindi vingapi kwa siku ndio maana utoro umekuwa mkubwa watoto wanasoma kwa kupishana hii ni hatari” alisema Luanda

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more