Wananchi Mtwara watakiwa kuacha utegemezi wa zao la korosho pekee

Na Mwandishi Wetu
Sauti ya Mnyonge, Mtwara

Wananchi na wakulima wa korosho wilayani Tandahimba mkoani Mtwara wametakiwa kulima mazao mbadala na kuondokana na kutegemea zao la korosho pekee ambalo huvunwa kwa msimu mmoja.

Pia imeleezwa kutokana na wakulima wengi kutegemea korosho pekee huishia kuishi maisha ya kutegemea fedha za korosho pindi msimu unapoanza na wengine hulazimika kuuza  korosho zikiwa mashambani ili kupata fedha za kujikimu kabla ya kuanza kwa msimu.

Hayo yameelezwa na mbunge wa Tandahimba, Katani Katani wakati wa mkutano wa hadhara uliofanyika jana wilayani humo na kueleza mazao mbadala  kama muhogo kwa sasa soko lake ni la uhakika na mbegu zake ni za kisasa zenye uwezo wa kuhimili ukame kama wakulima watatumia wataalamu wa kilimo.

“Kama mwakalishi wa wananchi nitahakikisha mbegu zinapatikana kwa urahisi katika maeneo yote na kuwafikia wahitaji kwa wakati, sasa kinachotakiwa ni  wakulima kuwa tayari kulima zao la muhogo na soko lipo ndani na nje ya nchi na tayari madiwa wanapatiwa mafunzo maalumu kwa hiyo mjiandaeni kulima muhogo,”amesema Katani

“Kwa muda mrefu tumekuwa tunashughulika na zao moja la koshoro ambazo fedha zake ni za msimu na kulima muhogo kidogo kwa ajili ya chakula, sasa nataka tukafanye kilimo cha muhogo kuwa cha biashara zaidi ya matumizi yetu ya nyumbani, ”amesema Katani

Mkulima wa korosho, mzee Omari Salumu amesema kilimo cha zao la muhogo lilikuwa likilimwa kwa wingi miaka ya themanini na kupata soko la ndani nan je ya nchi lakini badae wakulima wengi waliachana nalo.

“Miaka ya themanini zao la muhogo lilipata sana umaarufu katika hii mikoa ya kusini,lakini,sasa hivi wakulima wengi tunalima muhogo ili kupata chakula kama unga na kutafuna,lakini kama tukiletewa mbege za kisasa kama anavyosema mbunge mimi binafsi niko tayari kulima kwa ajili ya biashara ili tusisubirie fedha ya korosho pekee ambayo ni ya msimu,”amesema Salumu

Mkuu wa kitengo cha mazao jamii ya mizizi kutoka kituo cha Utafiti Naliendele, Benadetha Kimata amewashauri wakulima wote nchini kuyatunza mazao ya jamii ya mizizi hasa zao la muhogo na kukitumia kituo hicho kupata ushauri wa kitaalamu unaotolewa bure.

“Kwa sasa kanda ya ziwa ndiyo inayongoza kwa uzalishaji wa muhogo kwa asilimia 37 ikifuatiwa na kanda ya kusini asilimia 28 na kanda ya mashariki asilimia 12, hivyo basi sisi kama kituo cha utafiti tunawakaribisha wakulima na wananchi wote kwa ujumla kututumia wataalamu tuliopo ili walime kilimo chenye mafanikio zaidi,”amesema Kimati

Comments

Post a Comment

Popular posts from this blog

Sera ya Viwanda iendane na mabadiliko ya soko la wakulima

Image
Na Mwandishi Wetu Sauti ya Mnyonge, Singida Mwenyekiti wa taifa wa CUF,PROF.IBRAHIMU LIPUMBA(wa kwanza kutoka kushoto) akiwa na Mkurugenzi wa wanawake wa chama hicho,SALAMA MASUDI kwenye viwanja vya mkutano wa kampeni katika Kijiji cha Ughandi,wilaya ya Singida Vijijini kabla ya kuongea na wananchi hao. MKURUGENZI wa wanawake wa Chama Cha Wananchi (CUF) Taifa,Salama Masudi amesema kuwa sera ya viwanda nchini haiwezi kufanikiwa iwapo hatutaendana na mabadiliko makubwa ya soko la wakulima,na ikiwezekana katika mpango mzima wa mapinduzi ya kilimo wenye lengo la kuwawezesha wakulima wa chini kuelekea soko kuu la dunia kuweza kuinua kipato kutoka kwa wananchi maskini kabisa. Mkurugenzi huyo aliyasema hayo alipokuwa akizungumza na wananchi wakati wa kumnadi mgombea ubunge wa chama hicho kwenye mkutano wa kampeni za uchaguzi mdogo wa jimbo la Singida kaskazini uliofanyika katika Kijiji cha Ughandi,wilaya ya Singida vijijini. Alifafanua Salama kwamba baada ya wakulima kuwa wamewezeshwa hususan...
Read more

Ziara ya Jaji Mkuu Zanzibar mhe. Omar Othman Makungu katika picha

Image
MRAJISI wa jimbo mahakama kuu Pemba Hussein Makame Hussein, akisalimiana na Mkurugenzi wa Halmashauri ya Wilaya ya Micheweni Pemba, wakati alipofika hapo akijumuika kwenye ziara ya Jaji Mkuu Zanzibar, Omar Othman Makungu kisiwani humo MRAJISI wa Mahakama kuu Zanzibar Mohamed Ali Mohamed (kulia), akibadilishana mawazo na Mrajis wa jimbo mahakama kuu Pemba, Hussein Makame Hussein, kabla ya Jaji Mkuu kuzungumza na watendaji wa mahakama ya Mwanzo Dodeani Wingwi wilaya ya Micheweni, ikiwa ni sehemu ya ziara ya siku nne kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba JAJI Mkuu wa Zanzibar Omar ...
Read more

Mrajisi ataka wananchi kufika mahakamani kutoa ushahidi

Image
Imeandaliwa na Haji Nassor Sauti ya Mnyonge, Pemba Mrajisi wa Mahakama jimbo la Pemba, Hessein Makame Hussein JAMII imetakiwa kujipinda na kuacha kazi zao zote, na kufika mahakamani kutoa ushahidi, ikiwa ni njia moja wapo ya kutomeza vitendo vya udhalilishaji viliovyoonekana kushamiri katika siku za hivi karibuni. Hayao yameelezwa na Mrajisi wa mahakama jimbo Pemba Hessein Makame Hussein, alipokuwa akizungumza na mwandishi wa habari hizi juu ya athari wanayoipata kwenye mahakama kwa jamii kutopenda kutoa ushahidi mahakamani. Alisema, utamaduni wa kukimbia Mahakamani na kuacha kutoa ushahidi, unadhoofisha kwa asilimia kubwa, mikakati ya kuwaadabisha wanaofanya vitendo vya udhalilishaji. Alieleza kuwa, kama jamii haikuungana pamoja hasa kwa kufika mahakamani kutoa ushahidi, kusitarajiwe kutiwa hatiani kwa mkosaji yeyote wa matendo ya udhalilishaji. Mrajisi huyo alieleza kuwa, suala la kupiga vita vitendo hivyo vya udhalilishaji, haliuhusu mahakama pakee, bali kila mmoja anaweza kushiriki...
Read more