Mrajisi ataka wananchi kufika mahakamani kutoa ushahidi

Imeandaliwa na Haji Nassor
Sauti ya Mnyonge, Pemba

Mrajisi wa Mahakama jimbo la Pemba, Hessein Makame Hussein

JAMII imetakiwa kujipinda na kuacha kazi zao zote, na kufika mahakamani kutoa ushahidi, ikiwa ni njia moja wapo ya kutomeza vitendo vya udhalilishaji viliovyoonekana kushamiri katika siku za hivi karibuni.

Hayao yameelezwa na Mrajisi wa mahakama jimbo Pemba Hessein Makame Hussein, alipokuwa akizungumza na mwandishi wa habari hizi juu ya athari wanayoipata kwenye mahakama kwa jamii kutopenda kutoa ushahidi mahakamani.

Alisema, utamaduni wa kukimbia Mahakamani na kuacha kutoa ushahidi, unadhoofisha kwa asilimia kubwa, mikakati ya kuwaadabisha wanaofanya vitendo vya udhalilishaji.

Alieleza kuwa, kama jamii haikuungana pamoja hasa kwa kufika mahakamani kutoa ushahidi, kusitarajiwe kutiwa hatiani kwa mkosaji yeyote wa matendo ya udhalilishaji.

Mrajisi huyo alieleza kuwa, suala la kupiga vita vitendo hivyo vya udhalilishaji, haliuhusu mahakama pakee, bali kila mmoja anaweza kushiriki na ikawa sehemu ya kutokomeza vitendo hivyo.

“Jamii ikiacha kufika mahakamani kutoa ushahidi, lakini wao ikiwa wanapiga kelele washitakiwa hawatii hatiani, basi ni kutokana na wao kutofika mahakamani”,alifafanua.

Nae Mwanasheria dhamana Ofisi ya Mkurugenzi wa Mashitaka, Ali Rajab Ali, alisema waendesha Mashitaka na wanasheria wengine mahakamani, wote ni wageni wa matukio, hivyo wa kuwathibitisha ni mashahidi.

Nae Sheha wa shehia ya Shamiani Mwambe Safia Khami Ngwali, alisema inawezekana jamii imekuwa na ulege ulege kufika mahakamani kutoa ushahidi, kutokana kesi hizo kuchukua muda mrefu.

“Kesi hizi huchukua hata mwaka mmoja, sasa mashahidi hukata tama na mapema, na kisha kufika mahakamani kutoa ushahidi, bila ya kujali athari zake”,alieleza.

Katibu wa baraza la vijana shehia ya Chambani Zuwena Salum Nassor, alisema bado elimu zaidi inahitajika kwa jamii ili kuelewa umuhimu wa kutoa ushahidi mahakamani.

Nae Mratibu wa wanawake na watoto shehia ya Kangagani Awena Salum Kombo, alisema ni vyema sasa kukaandaliwa sheria maalum ya wale wanaokataa kutoa ushahidi ikawaadhibu.

“Mtu atakujia kifua moto kwamba mwanawe kabakwa, lakini kesi ikishafika mahakamani, huwa ajitia sababu na haendi tena kutoa ushahidi hatimae kesi inafutwa”,alifafanua.

Mzazi wa mtoto ambae mwanawe alibakwa wa Mchanga mdogo, alisema jamii kama haikuungana katika kutokomeza matendo ya udhalilishaji wa kijinsia, kusitarajiwe mabadiliko yoyote.

 Kwa upande wake Kamanda wa Polisi Mkoa wa kaskazini Pemba, Haji Khamis Haji alisema wanazo kumbu kumbu za kesi 25 za udhalilishaji zilizofutwa, ambazo 21 zilifutwa kituo cha Polisi Wete na kesi nne (4) zimeondolewa mahakamani, kutokana na kukosena kwa ushahidi,  kuanzia mwaka 2015 hadi Oktoba mwaka huu.

Nae Afisa Ustawi wa Jamii wilaya ya Wete Haroub Suleiman Hemed alieleza kuwa, kesi 11 za udhalilishaji zilifungwa na kufutwa kuanzia mwaka 2015 hadi oktba mwaka huu, kutokana na wanajamii kukimbia kutoa ushahidi.

Comments

Post a Comment

Popular posts from this blog

Ziara ya Jaji Mkuu Zanzibar mhe. Omar Othman Makungu katika picha

Image
MRAJISI wa jimbo mahakama kuu Pemba Hussein Makame Hussein, akisalimiana na Mkurugenzi wa Halmashauri ya Wilaya ya Micheweni Pemba, wakati alipofika hapo akijumuika kwenye ziara ya Jaji Mkuu Zanzibar, Omar Othman Makungu kisiwani humo MRAJISI wa Mahakama kuu Zanzibar Mohamed Ali Mohamed (kulia), akibadilishana mawazo na Mrajis wa jimbo mahakama kuu Pemba, Hussein Makame Hussein, kabla ya Jaji Mkuu kuzungumza na watendaji wa mahakama ya Mwanzo Dodeani Wingwi wilaya ya Micheweni, ikiwa ni sehemu ya ziara ya siku nne kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba JAJI Mkuu wa Zanzibar Omar ...
Read more

Sera ya Viwanda iendane na mabadiliko ya soko la wakulima

Image
Na Mwandishi Wetu Sauti ya Mnyonge, Singida Mwenyekiti wa taifa wa CUF,PROF.IBRAHIMU LIPUMBA(wa kwanza kutoka kushoto) akiwa na Mkurugenzi wa wanawake wa chama hicho,SALAMA MASUDI kwenye viwanja vya mkutano wa kampeni katika Kijiji cha Ughandi,wilaya ya Singida Vijijini kabla ya kuongea na wananchi hao. MKURUGENZI wa wanawake wa Chama Cha Wananchi (CUF) Taifa,Salama Masudi amesema kuwa sera ya viwanda nchini haiwezi kufanikiwa iwapo hatutaendana na mabadiliko makubwa ya soko la wakulima,na ikiwezekana katika mpango mzima wa mapinduzi ya kilimo wenye lengo la kuwawezesha wakulima wa chini kuelekea soko kuu la dunia kuweza kuinua kipato kutoka kwa wananchi maskini kabisa. Mkurugenzi huyo aliyasema hayo alipokuwa akizungumza na wananchi wakati wa kumnadi mgombea ubunge wa chama hicho kwenye mkutano wa kampeni za uchaguzi mdogo wa jimbo la Singida kaskazini uliofanyika katika Kijiji cha Ughandi,wilaya ya Singida vijijini. Alifafanua Salama kwamba baada ya wakulima kuwa wamewezeshwa hususan...
Read more