Walimu Sikonge wagomea taarifa ya fedha ya SACCOs yao

Na Mwandishi Wetu
Sauti ya Mnyonge, Sikonge

WAJUMBE wa Mkutano Mkuu wa Chama cha Kuweka na Kukopa (SACCOS) cha walimu Wilayani Sikonge MkoaniTabora wamegoma kupokea taarifa ya fedha ya chama hicho kwa kutoweka wazi mchanganua wa mapato na matumizi yote.

Wakichangia mada baada ya Kaimu Mwenyekiti wa Bodi ya SACCOS hiyo Mashaka Faru kuwasilisha taarifa yake, wajumbe hao walisema taarifa hiyo haiko sawa, imeficha mambo mengi, haijachanganua kwa uwazi mapato na matumizi yote yaliyofanywa na viongozi waliopita.

Afisa Elimu Kata ya Sikonge Estomih Hilal alisema haiingii akilini Kiongozi kutumia mamilioni ya fedha za wanachama kwa mambo yasiyo ya kimaendeleo wakati walimu wana hali ngumu, na hata matumizi yenyewe hayakuidhinishwa na wanachama husika.

Alisema taarifa ya Mwenyekiti inaonesha dhahiri kuwa fedha zao zimehujumiwa na viongozi waliopewa dhamana, na kitendo cha Kaimu Mwenyekiti kusoma taarifa isiyo fafanua matumizi yote ni kupindisha ukweli, hatuwezi kuipokea, ikaandikwe upya.

Mwalimu Onesmo Bakete wa shule ya msingi Usunga alisema nidhamu ya matumizi ya fedha za michango yao haikuwepo ndio maana wameandika kimafumbo mafumbo tu pasipo mchanganuo wowote, hatuwezi kupokea taarifa ya namna hiyo, wameficha nini.

Katibu wa Chama Cha Walimu (CWT) wilayani humo Acheri Manjori alisema kuwa taarifa iliyosomwa ni kavu mno haikusema chochote kuhusu mishahara ya watendaji wa SACCOS, walikuwa wanalipwa fedha kutoka wapi, na kuongeza kuwa baadhi ya mikopo inaonesha kulipwa watu wasio wanachama ikiwemo walinzi.  

Manjori alitaja mambo mengine ambayo hayakuainishwa kuwa ni taarifa za fedha, akiba za wanachama, michango ya NSSF, marejesho ya benki ya CRDB, mikopo ya ndani, posho, usafiri, masaa ya ziada, gharama za kimahakama na gharama za kibenki.

Mlezi wa chama hicho ambaye ni Mkurugenzi Mtendaji wa Halmashauri ya Wilaya hiyo,Simon Ngatunga alisema ni aibu sana kwa Viongozi tena wasomi kuandika taarifa ya juu juu kiasi hicho ambayo kiuhalisia imeficha mambo mengi.

‘Hii taarifa haijaandikwa kisomi, mfano kipengele kimoja kimeandikwa vikao viwili sh milioni 11 pasipo kufafanua uhalisia wa matumzi hayo na mengine mengi tu, huu ni udanganyifu, na kwa kifupi hii ripoti haifai nendeni mkaiandike upya’, alisema.

Alibainisha kuwa SACCOS hiyo ni ya wasomi, ndo maana wanataka haki zao zipatikane, na yeye kama Msimamizi Mkuu wa Maendeleo ya halmashauri hayuko tayari kuona walimu wanadhulumiwa haki zao.

Alifafanua kuwa kesi ya matumizi mabaya ya fedha za SACCOS hiyo inayowakabili waliokuwa Viongozi wa Ushirika huo iko mahakamani, na wote watakaobainika kutumia vibaya uongozi wao au kutafuna fedha hizo watachukuliwa hatua stahiki.  

Meneja Uhusiano wa Benki ya CRDB anayesimamia Mikoa ya Tabora na Kigoma Luhende Boazi alibainisha kuwa kukosekana kwa uwazi katika taarifa ya viongozi hao ni matokeo ya kutoshirikisha wanachama na awali alishauri wafanye hivyo.   

Alitaka kuainishwa vizuri mapato yote na matumizi wanayofanya na kutenganisha michango ya kawaida, marejesho, hisa na riba za wanachama.

Mwalimu Farida Aloyce kutoka Ofisi ya Tume ya Utumishi wa Walimu (TSC) wilayani humo alisema tatizo kubwa la Viongozi wa Ushirika huo ni kukosa weledi na kutokuwa na nidhamu kwenye fedha za walimu, ndo maana wameua SACCOS yao.

Comments

Post a Comment

Popular posts from this blog

Sera ya Viwanda iendane na mabadiliko ya soko la wakulima

Image
Na Mwandishi Wetu Sauti ya Mnyonge, Singida Mwenyekiti wa taifa wa CUF,PROF.IBRAHIMU LIPUMBA(wa kwanza kutoka kushoto) akiwa na Mkurugenzi wa wanawake wa chama hicho,SALAMA MASUDI kwenye viwanja vya mkutano wa kampeni katika Kijiji cha Ughandi,wilaya ya Singida Vijijini kabla ya kuongea na wananchi hao. MKURUGENZI wa wanawake wa Chama Cha Wananchi (CUF) Taifa,Salama Masudi amesema kuwa sera ya viwanda nchini haiwezi kufanikiwa iwapo hatutaendana na mabadiliko makubwa ya soko la wakulima,na ikiwezekana katika mpango mzima wa mapinduzi ya kilimo wenye lengo la kuwawezesha wakulima wa chini kuelekea soko kuu la dunia kuweza kuinua kipato kutoka kwa wananchi maskini kabisa. Mkurugenzi huyo aliyasema hayo alipokuwa akizungumza na wananchi wakati wa kumnadi mgombea ubunge wa chama hicho kwenye mkutano wa kampeni za uchaguzi mdogo wa jimbo la Singida kaskazini uliofanyika katika Kijiji cha Ughandi,wilaya ya Singida vijijini. Alifafanua Salama kwamba baada ya wakulima kuwa wamewezeshwa hususan...
Read more

Ziara ya Jaji Mkuu Zanzibar mhe. Omar Othman Makungu katika picha

Image
MRAJISI wa jimbo mahakama kuu Pemba Hussein Makame Hussein, akisalimiana na Mkurugenzi wa Halmashauri ya Wilaya ya Micheweni Pemba, wakati alipofika hapo akijumuika kwenye ziara ya Jaji Mkuu Zanzibar, Omar Othman Makungu kisiwani humo MRAJISI wa Mahakama kuu Zanzibar Mohamed Ali Mohamed (kulia), akibadilishana mawazo na Mrajis wa jimbo mahakama kuu Pemba, Hussein Makame Hussein, kabla ya Jaji Mkuu kuzungumza na watendaji wa mahakama ya Mwanzo Dodeani Wingwi wilaya ya Micheweni, ikiwa ni sehemu ya ziara ya siku nne kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba JAJI Mkuu wa Zanzibar Omar ...
Read more

Mrajisi ataka wananchi kufika mahakamani kutoa ushahidi

Image
Imeandaliwa na Haji Nassor Sauti ya Mnyonge, Pemba Mrajisi wa Mahakama jimbo la Pemba, Hessein Makame Hussein JAMII imetakiwa kujipinda na kuacha kazi zao zote, na kufika mahakamani kutoa ushahidi, ikiwa ni njia moja wapo ya kutomeza vitendo vya udhalilishaji viliovyoonekana kushamiri katika siku za hivi karibuni. Hayao yameelezwa na Mrajisi wa mahakama jimbo Pemba Hessein Makame Hussein, alipokuwa akizungumza na mwandishi wa habari hizi juu ya athari wanayoipata kwenye mahakama kwa jamii kutopenda kutoa ushahidi mahakamani. Alisema, utamaduni wa kukimbia Mahakamani na kuacha kutoa ushahidi, unadhoofisha kwa asilimia kubwa, mikakati ya kuwaadabisha wanaofanya vitendo vya udhalilishaji. Alieleza kuwa, kama jamii haikuungana pamoja hasa kwa kufika mahakamani kutoa ushahidi, kusitarajiwe kutiwa hatiani kwa mkosaji yeyote wa matendo ya udhalilishaji. Mrajisi huyo alieleza kuwa, suala la kupiga vita vitendo hivyo vya udhalilishaji, haliuhusu mahakama pakee, bali kila mmoja anaweza kushiriki...
Read more