Ushirikiano wahimizwa ili kulinda utamaduni wa Zanzibar

Na Haji Nassor
Sauti ya Mnyonge, Zanzibar

JAMII imetakiwa kushirikiana kwa pamoja, katika kulinda utamaduni wa nchi yao, huku wakijiepusha na matendo ambayo huiondoa hadhi na maadili ya kizanzibari. 

Wito huo umetolewa na Mwenyekiti wa Tume ya Kurekebisha Sheria Zanzibar Mshibe Ali Bakar, wakati alipokua akizungumza na wananchi katika semina ya siku moja, iliyofanyika katika ukumbi wa Mkuu wa Wilaya Mkoani Pemba. 

Alisema, iwapo jamii itakua tayari kushirikiana na serikali katika kulinda utamaduni wa kizanzibari, itaweza kupiga hatua kubwa na kuweza kuirejesha hadhi ya nchi yao. 

"Serikali ni watu, na watakapo kuwa madhubuti na serikali nayo itakua madhubuti kwani hakuna serikali inayotaka wananchi wake wapate shida, tupinge kwa kauli moja tutaweza kuirejesha Zanzibar yetu katika utamaduni wetu," alisema. 

Hata hivyo alieleza, hata sheria iwe nzuri kama dhahabu kama watumiaji wa sheria ni wabaya, haitoweza kufanya kazi kwani lengo lao ni kuona nchi inaendelea katika ustawi mzuri. 

Nae Mwanasheria kutoka Tume hiyo ya Kurekebisha Sheria Zanzibar Sabra Mohamed Iddi, akiwasilisha rasimu ya sheria ya kuhifadhi utamaduni wa Kizanzibari, alisema uwepo wa sheria hiyo utasaidia kutunza utamaduni wa Mzanzibar kwa kizazi hadi kizazi. 

"Kwa mujibu wa sheria hii, kuna mavazi hayaruhusiwi, ambayo yatazidi zaidi ya nchi mmoja kutoka shingoni kuelekea begani, kubana na kuonesha mwili wake pia kuvaa wigi au nywele za kuunga kwa mwanamke wa Kizanzibar,"alisema. 

Hata hivyo alisema kuvaa suruali ambayo imeruka kutoka nchi moja katika magoti kuelekea juu na kuonesha sehemu za siri, suruali yenye kubana, kuonesha sehemu za ndani ya mwili makosa kwa mwanamme wa Kizanibar kwa mujibu wa sheria hiyo. 

Mwananchi Mohamed Ali Bakar kutoka Kangani Mkoani alisema, katika sheria ya uvaaji wa mawigi na kuunga nywele, ni vyema tume ikaweza kuengeza sheria kwa wanaokata mikato hasa viduku ili kudhibiti na kulinda maadili ya Kizanzibar. 

Afisa sheria kutoka baraza la mji Mkoani Zubeir Awamu Zubeir aliunga mkono sheria ya kulinda utamaduni wa Zanzibar, huku akiomba kuekwe sheria kwa wageni wanaoingia nchini kupewa elimu ya uvaaji wa nguo ili kulinda maadili na utamaduni.

Nae Chumu Abdalla kutoka Kisiwa Panza, alisema lazima jamii isimamie matendo ya udhalilishaji ikisirikiana na vyombo vya sheria kwani ndio wanaoongoza katika kuzipatia suluhu kesi za aina hiyo. 

Tume ya Kurekebisha Sheria Zanzibar ipo kisiwani Pemba kwa ziara ya siku nne kwa lengo la kukutana na wananchi ili kukusanya maoni kuelekea kutunga sheria za utamaduni Zanzibar.

Comments

Post a Comment

Popular posts from this blog

Sera ya Viwanda iendane na mabadiliko ya soko la wakulima

Image
Na Mwandishi Wetu Sauti ya Mnyonge, Singida Mwenyekiti wa taifa wa CUF,PROF.IBRAHIMU LIPUMBA(wa kwanza kutoka kushoto) akiwa na Mkurugenzi wa wanawake wa chama hicho,SALAMA MASUDI kwenye viwanja vya mkutano wa kampeni katika Kijiji cha Ughandi,wilaya ya Singida Vijijini kabla ya kuongea na wananchi hao. MKURUGENZI wa wanawake wa Chama Cha Wananchi (CUF) Taifa,Salama Masudi amesema kuwa sera ya viwanda nchini haiwezi kufanikiwa iwapo hatutaendana na mabadiliko makubwa ya soko la wakulima,na ikiwezekana katika mpango mzima wa mapinduzi ya kilimo wenye lengo la kuwawezesha wakulima wa chini kuelekea soko kuu la dunia kuweza kuinua kipato kutoka kwa wananchi maskini kabisa. Mkurugenzi huyo aliyasema hayo alipokuwa akizungumza na wananchi wakati wa kumnadi mgombea ubunge wa chama hicho kwenye mkutano wa kampeni za uchaguzi mdogo wa jimbo la Singida kaskazini uliofanyika katika Kijiji cha Ughandi,wilaya ya Singida vijijini. Alifafanua Salama kwamba baada ya wakulima kuwa wamewezeshwa hususan...
Read more

Ziara ya Jaji Mkuu Zanzibar mhe. Omar Othman Makungu katika picha

Image
MRAJISI wa jimbo mahakama kuu Pemba Hussein Makame Hussein, akisalimiana na Mkurugenzi wa Halmashauri ya Wilaya ya Micheweni Pemba, wakati alipofika hapo akijumuika kwenye ziara ya Jaji Mkuu Zanzibar, Omar Othman Makungu kisiwani humo MRAJISI wa Mahakama kuu Zanzibar Mohamed Ali Mohamed (kulia), akibadilishana mawazo na Mrajis wa jimbo mahakama kuu Pemba, Hussein Makame Hussein, kabla ya Jaji Mkuu kuzungumza na watendaji wa mahakama ya Mwanzo Dodeani Wingwi wilaya ya Micheweni, ikiwa ni sehemu ya ziara ya siku nne kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba JAJI Mkuu wa Zanzibar Omar ...
Read more

Mrajisi ataka wananchi kufika mahakamani kutoa ushahidi

Image
Imeandaliwa na Haji Nassor Sauti ya Mnyonge, Pemba Mrajisi wa Mahakama jimbo la Pemba, Hessein Makame Hussein JAMII imetakiwa kujipinda na kuacha kazi zao zote, na kufika mahakamani kutoa ushahidi, ikiwa ni njia moja wapo ya kutomeza vitendo vya udhalilishaji viliovyoonekana kushamiri katika siku za hivi karibuni. Hayao yameelezwa na Mrajisi wa mahakama jimbo Pemba Hessein Makame Hussein, alipokuwa akizungumza na mwandishi wa habari hizi juu ya athari wanayoipata kwenye mahakama kwa jamii kutopenda kutoa ushahidi mahakamani. Alisema, utamaduni wa kukimbia Mahakamani na kuacha kutoa ushahidi, unadhoofisha kwa asilimia kubwa, mikakati ya kuwaadabisha wanaofanya vitendo vya udhalilishaji. Alieleza kuwa, kama jamii haikuungana pamoja hasa kwa kufika mahakamani kutoa ushahidi, kusitarajiwe kutiwa hatiani kwa mkosaji yeyote wa matendo ya udhalilishaji. Mrajisi huyo alieleza kuwa, suala la kupiga vita vitendo hivyo vya udhalilishaji, haliuhusu mahakama pakee, bali kila mmoja anaweza kushiriki...
Read more