TASAF yawezesha wengi kufikiwa na huduma za Afya Sikonge

Na Mwandishi Wetu
Sauti ya Mnyonge, Sikonge

MPANGO wa serikali wa kuwezeshaji kaya maskini unaotekelezwa na Mfuko wa Maendeleo ya Jamii (TASAF) awamu ya tatu umewezesha familia nyingi maskini wilayani Sikonge Mkoani Tabora kupata huduma za afya.  

Wakizungumza na gazeti hili wakati wa zoezi la ugawaji fedha kwa kaya maskini baadhi ya wanafamilia wanaonufaika na mfuko huo wamesema mradi huo umewasaidia sana kwani wana uhakika wa kupata matibabu muda wowote ule.

Walisema mradi huo umewasaidia kuanzisha miradi midogo midogo ya kujikimu ikiwemo ufugaji bata, kuku, mbuzi na kilimo na wanapokuwa na shida yoyote ile ikiwemo magonjwa huuza sehemu ya mifugo au mazao na kwenda hospitalini.

Bibi Dainess Leonard (67) Mkazi wa kitongoji cha Kitimbashi katika kijiji cha Mkolye kata ya Mkolye wilayani humo alisema sh 40,000 anazowezeshwa na mradi huo zimemsaidia sana kupata matibabu katika zahanati ya kijiji na afya yake imeboreka zaidi tofauti na awali.

Mnufaika mwingine Asha Mohamed (49) mkazi wa kijiji cha Mlogolo alisema alipoingizwa katika mradi huo alinunua mbuzi 2 na kuku 3, wamezaliana na kufikia mbuzi 5 na kuku 17, mwaka jana aliuza mbuzi 2 ili kumtibia mumewe na mtoto wake na hali zao zinaendelea vizuri.

Alibainisha kuwa kabla ya kuingizwa katika mpango huo hakuwa na uwezo wowote wa kupata milo 3 kwa siku wala kwenda hospitalini na alishakata tamaa ya kuishi kutokana na hali yake kiuchumi na kuugua mara kwa mara lakini sasa ananunua dawa na afya yake imeimarika.

Mwenyekiti wa serikali ya kijiji cha Mkolye Salumu Jonathan na Mtendaji wa kijiji hicho Yolata Michael walisema mpango huo ni mkombozi kwa wananchi kwani umebadilisha hali zao kiuchumi na afya zao sasa zinapendeza na wanashiriki shughuli za maendeleo.

Kutokana na umuhimu wa mpango huo waliomba serikali iboreshe mfuko huo ili kuwafikia wananchi wengi zaidi walio katika kaya maskini maeneo ya vijijini kwani kaya nyingi hazikuingizwa katika mpango huo.

Aidha walifafanua kuwa wanufaika wote wa mpango huo katika kijiji hicho wameshahamasishwa kujiunga na Mfuko wa Afya ya Jamii (CHF) ili waweze kupata matibabu katika zahanati, vituo vya afya na hospitali yoyote ile na wote wamekubali.

Comments

Post a Comment

Popular posts from this blog

Sera ya Viwanda iendane na mabadiliko ya soko la wakulima

Image
Na Mwandishi Wetu Sauti ya Mnyonge, Singida Mwenyekiti wa taifa wa CUF,PROF.IBRAHIMU LIPUMBA(wa kwanza kutoka kushoto) akiwa na Mkurugenzi wa wanawake wa chama hicho,SALAMA MASUDI kwenye viwanja vya mkutano wa kampeni katika Kijiji cha Ughandi,wilaya ya Singida Vijijini kabla ya kuongea na wananchi hao. MKURUGENZI wa wanawake wa Chama Cha Wananchi (CUF) Taifa,Salama Masudi amesema kuwa sera ya viwanda nchini haiwezi kufanikiwa iwapo hatutaendana na mabadiliko makubwa ya soko la wakulima,na ikiwezekana katika mpango mzima wa mapinduzi ya kilimo wenye lengo la kuwawezesha wakulima wa chini kuelekea soko kuu la dunia kuweza kuinua kipato kutoka kwa wananchi maskini kabisa. Mkurugenzi huyo aliyasema hayo alipokuwa akizungumza na wananchi wakati wa kumnadi mgombea ubunge wa chama hicho kwenye mkutano wa kampeni za uchaguzi mdogo wa jimbo la Singida kaskazini uliofanyika katika Kijiji cha Ughandi,wilaya ya Singida vijijini. Alifafanua Salama kwamba baada ya wakulima kuwa wamewezeshwa hususan...
Read more

Ziara ya Jaji Mkuu Zanzibar mhe. Omar Othman Makungu katika picha

Image
MRAJISI wa jimbo mahakama kuu Pemba Hussein Makame Hussein, akisalimiana na Mkurugenzi wa Halmashauri ya Wilaya ya Micheweni Pemba, wakati alipofika hapo akijumuika kwenye ziara ya Jaji Mkuu Zanzibar, Omar Othman Makungu kisiwani humo MRAJISI wa Mahakama kuu Zanzibar Mohamed Ali Mohamed (kulia), akibadilishana mawazo na Mrajis wa jimbo mahakama kuu Pemba, Hussein Makame Hussein, kabla ya Jaji Mkuu kuzungumza na watendaji wa mahakama ya Mwanzo Dodeani Wingwi wilaya ya Micheweni, ikiwa ni sehemu ya ziara ya siku nne kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba JAJI Mkuu wa Zanzibar Omar ...
Read more

Mrajisi ataka wananchi kufika mahakamani kutoa ushahidi

Image
Imeandaliwa na Haji Nassor Sauti ya Mnyonge, Pemba Mrajisi wa Mahakama jimbo la Pemba, Hessein Makame Hussein JAMII imetakiwa kujipinda na kuacha kazi zao zote, na kufika mahakamani kutoa ushahidi, ikiwa ni njia moja wapo ya kutomeza vitendo vya udhalilishaji viliovyoonekana kushamiri katika siku za hivi karibuni. Hayao yameelezwa na Mrajisi wa mahakama jimbo Pemba Hessein Makame Hussein, alipokuwa akizungumza na mwandishi wa habari hizi juu ya athari wanayoipata kwenye mahakama kwa jamii kutopenda kutoa ushahidi mahakamani. Alisema, utamaduni wa kukimbia Mahakamani na kuacha kutoa ushahidi, unadhoofisha kwa asilimia kubwa, mikakati ya kuwaadabisha wanaofanya vitendo vya udhalilishaji. Alieleza kuwa, kama jamii haikuungana pamoja hasa kwa kufika mahakamani kutoa ushahidi, kusitarajiwe kutiwa hatiani kwa mkosaji yeyote wa matendo ya udhalilishaji. Mrajisi huyo alieleza kuwa, suala la kupiga vita vitendo hivyo vya udhalilishaji, haliuhusu mahakama pakee, bali kila mmoja anaweza kushiriki...
Read more