Shirika la Umeme Zanzibar lakusanya bilioni 5 kwa siku 150 kwa wateja wake

Na, Haji Nassor,
Sauti ya Mnyonge, Zanzibar

SHIRIKA la Umeme Zanzibar ZECO tawi la Pemba, lenye wastani wa wateja 31,313 limeshakusanya shilingi bilioni 5 na milioni 183 kwa kip
indi cha miezi mitano, ilioanzia mwaka jana, hadi mwezi Febuari mwaka huu.

Taarifa kutoka ZECO zinaeleza kuwa, idadi ya wateja imekuwa ikiongezeka siku hadi siku, kutokana na huduma bora na imara wanazozitoa kwa wananchi na wakati wowote wananchi 200 waliobakia katika mita za zamani, watahamishiwa mita za kisasa.

Meneja wa shirika hilo Pemba, Mohamed Juma Othman alisema wamekuwa wakikusanya fedha zenye kiwango toafuti kutokana na mahitaji ya wateja wao kwa kila mwezi.

Alisema, kwa mfano katika mwezi wa Oktoba Shirika lilikusanya wastani wa shilingi milioni 961, ambapo mwezi Novemba kwa mikoa yote miwili ya Pemba lilikusanya shilingi milioni 975, ingawa mwezi Disemba mwaka jana, liliongeza na kukusanya shilingi bilioni 1.105.

Aidha katika kipindi cha miezi miwili iliopita ndani ya mwaka huu wa 2018 na kwenye mwezi wa Januari tayari wameshaingiza shilingi bilioni 1.025 wakati mwezi uliomalizika kwa Febuari, waliuza uniti za shilingi milioni 917.

Alisema anaamini serikali imeongeza pato lake katika kipindi cha mwaka mmoja sasa, baada ya visiwa vya Shamiani, Makoongwe, Kisiwa panza na Fundo kufikishiwa umeme na rais wa Zanzibar dk Ali Mohamed Shein.

“Kwenye visiwa hivyo pekee kuna wateja wetu karibu 627, sasa nguvu ya dk Shein ya kuwafikishia umeme wananchi hao, ni njia moja wapo ya kuongeza pato na kuimarisha maisha ya wananchi hao,’’alisema Meneja huyo.

Alisema kisiwa cha Fundo pekee kina wateja 340, Makoongwe 154, Shamiani Mwambe 20 na Kisiwa panza kimetoa wateja 113, ambapo kasi ya wananchi wanaoomba kuingiwa umeme inaendelea kuongezeka siku hadi siku.

Baadhi ya wananchi wa kisiwani Pemba wamelitaka shirika la umeme kisiwani humo, kuharikisha upatikanaji wa vifaa mara mteja anapokamilisha taratibu za malipo.

Saada Ismail wa kisiwa Panza alisema, wakati umefika kwa ZECO, kununua vifaa vya kutosha ili mwananchi anapomaliza taratibu asicheleweshwe.

“Mimi niwaombe ZECO kwamba kwa sisi wa visiwani pia tuwekewe kibanda cha malipo huku huku, maana tunapata tabu tukitaka lipa, sio wote wenye kujua kutumia mwamala wa simu,”alisema.

Nae Mati Haji Mwadini miaka 85, wa kisiwa cha Makoongwe, alilipongeza ZECO kwa kuamua kuwafikishia huduma ya umeme kisiwani huko na kufanikiwa kuunga kwa njia ya mkopo.

Aidha sheha wa shehia ya Fundo Khamis Abeid, amewataka wananchi wake kuendelea kubuni njia mwafaka za kuitumia nishati hiyo kwa maendeleo.

“Wananchi wanaweza kuanzisha sehemu za kuhifadhi samaki, uuzaji wa vinywaji baridi na viwanda na wakaongeza pato, hapo ndio watakapoona faida ya umeme,’’alieleza.

Katika hatua nyengine baadhi ya wananchi kisiwani Pemba, wamelitaka shirika la Umeme kufuatilia miundo mbinu yake hasa katika kipindi hichi cha mvua.

Visiwa vya Makoongwe, Fundo, Shamiani na Kisiwa panza vimefikishiwa huduma ya umeme hivi karibuni, ikiwa ni utekelezaji wa ahadi ya rais wa Zanzibar dk Ali Mohamed Shein alioitoa kwa wananchi hao wakati wa kampeni.

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more