Mbunge aomba fedha za maji kwa wananchi wa Tandahimba

Na Mwandishi Wetu
Sauti ya Mnyonge, Tandahimba - Mtwara

Kutokana na wananchi wa wilaya ya Tandahimba mkoani Mtwara  kukosa huduma ya maji, mbunge wa Tandahimba, Katani Katani ameiomba serikali kuharakisha mchakato wa kuipatia  fedha mamlaka ya maji wilaya humo Makonde ,ili kutatua kero hiyo.

Takwimu za mkoa zinaonyesha wilaya ya Tandahimba ni asilimia 24 pekee ya wakazi wake wanaopata huduma ya maji baada ya mradi wa Makonde vifaa vyake kuchakaa na kukosekana kwa umeme wa uhakika licha ya kuwa na mtandao wa maji.

Pia, Katani amewataka wananchi kujitokeza kutoa maoni kwa tume itakayopita wilayani humo kupata maoni juu ya uundwaji wa mamlaka ya maji ili kusaidia kupata idadi kubwa ya watu na kuifanya wizara ya maji kuona hitaji la wanatandahimba.

“Maji ndio kila kitu, bila maji huwezi kuwaza shughuli nyingine za maendeleo ipasavyo,hivyo nawasihi wanatandahimba mjitokezee  kwa wingi kutoa maoni juu ya uundwaji wa mamlaka ya maji,maana najuwa lazima watapita kupata maoni toka kwenu,tukipata mamlaka ya maji tutapunguza tatizo kwa asilimia themenini na mbili”amesema katani

Kukosekana kwa maji wilayani humo hali hiyo imedumu kwa muda mrefu na kusababisha huduma mbalimbali za kijamii kushindwa kufanyika kwa ufanisi,huku wananchi uona maji ni miongoni mwa anasa kutoka na upatikanaji wake kuwa wa shida nap engine kununua kwa bei ya kuanzia shilingi mia tano mpaka elfu moja kwa ujazo wa lita ishirini.

Akizungumza na gazeti hili mhandisi wa maji wilayani humo, Peter Malekia amekiri kuwepo kwa tatizo hilo kwa muda mrefu licha ya mradi  wa maji wa Makonde kuwa na uwezo wa kusambaza mkoa mzima wa Mtwara.

“Hali ya upatikanaji wa maji ni mbaya sana kupita wakati wowote ule”amesema mhandisi Malekia

Aidha amesema tatizo hilo linachangiwa na changamoto mbalimbali ikiwepo uchakavu wa miundombinu, kukosekana kwa umeme wa uhakika na kupasuka kwa mabomba.

Changamoto nyingine ni upungufu wa matanki ya kusambazia maji na kwamba wizara kwa kushikiana na mamlaka ya maji Makonde imeanza kufanyia matengenezo mashine zilizopo katika kituo hicho pamoja na wizara kuahidi kupeleka fedha mwisho wa mwezi Machi kwaajili ya uakarabati wa mitambo.

Comments

Post a Comment

Popular posts from this blog

Sera ya Viwanda iendane na mabadiliko ya soko la wakulima

Image
Na Mwandishi Wetu Sauti ya Mnyonge, Singida Mwenyekiti wa taifa wa CUF,PROF.IBRAHIMU LIPUMBA(wa kwanza kutoka kushoto) akiwa na Mkurugenzi wa wanawake wa chama hicho,SALAMA MASUDI kwenye viwanja vya mkutano wa kampeni katika Kijiji cha Ughandi,wilaya ya Singida Vijijini kabla ya kuongea na wananchi hao. MKURUGENZI wa wanawake wa Chama Cha Wananchi (CUF) Taifa,Salama Masudi amesema kuwa sera ya viwanda nchini haiwezi kufanikiwa iwapo hatutaendana na mabadiliko makubwa ya soko la wakulima,na ikiwezekana katika mpango mzima wa mapinduzi ya kilimo wenye lengo la kuwawezesha wakulima wa chini kuelekea soko kuu la dunia kuweza kuinua kipato kutoka kwa wananchi maskini kabisa. Mkurugenzi huyo aliyasema hayo alipokuwa akizungumza na wananchi wakati wa kumnadi mgombea ubunge wa chama hicho kwenye mkutano wa kampeni za uchaguzi mdogo wa jimbo la Singida kaskazini uliofanyika katika Kijiji cha Ughandi,wilaya ya Singida vijijini. Alifafanua Salama kwamba baada ya wakulima kuwa wamewezeshwa hususan...
Read more

Ziara ya Jaji Mkuu Zanzibar mhe. Omar Othman Makungu katika picha

Image
MRAJISI wa jimbo mahakama kuu Pemba Hussein Makame Hussein, akisalimiana na Mkurugenzi wa Halmashauri ya Wilaya ya Micheweni Pemba, wakati alipofika hapo akijumuika kwenye ziara ya Jaji Mkuu Zanzibar, Omar Othman Makungu kisiwani humo MRAJISI wa Mahakama kuu Zanzibar Mohamed Ali Mohamed (kulia), akibadilishana mawazo na Mrajis wa jimbo mahakama kuu Pemba, Hussein Makame Hussein, kabla ya Jaji Mkuu kuzungumza na watendaji wa mahakama ya Mwanzo Dodeani Wingwi wilaya ya Micheweni, ikiwa ni sehemu ya ziara ya siku nne kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba JAJI Mkuu wa Zanzibar Omar ...
Read more

Mrajisi ataka wananchi kufika mahakamani kutoa ushahidi

Image
Imeandaliwa na Haji Nassor Sauti ya Mnyonge, Pemba Mrajisi wa Mahakama jimbo la Pemba, Hessein Makame Hussein JAMII imetakiwa kujipinda na kuacha kazi zao zote, na kufika mahakamani kutoa ushahidi, ikiwa ni njia moja wapo ya kutomeza vitendo vya udhalilishaji viliovyoonekana kushamiri katika siku za hivi karibuni. Hayao yameelezwa na Mrajisi wa mahakama jimbo Pemba Hessein Makame Hussein, alipokuwa akizungumza na mwandishi wa habari hizi juu ya athari wanayoipata kwenye mahakama kwa jamii kutopenda kutoa ushahidi mahakamani. Alisema, utamaduni wa kukimbia Mahakamani na kuacha kutoa ushahidi, unadhoofisha kwa asilimia kubwa, mikakati ya kuwaadabisha wanaofanya vitendo vya udhalilishaji. Alieleza kuwa, kama jamii haikuungana pamoja hasa kwa kufika mahakamani kutoa ushahidi, kusitarajiwe kutiwa hatiani kwa mkosaji yeyote wa matendo ya udhalilishaji. Mrajisi huyo alieleza kuwa, suala la kupiga vita vitendo hivyo vya udhalilishaji, haliuhusu mahakama pakee, bali kila mmoja anaweza kushiriki...
Read more