Waandishi wakana kuwa chanzo cha machafuko nchini

Na Haji Nassor
Sauti ya Mnyonge, Zanzibar

WAANDISHI wa habari nchini, wamesema wao sio chanzo cha migogoro na machafuko yanayojitokeza, kabla au baada ya kumalizika chaguzi, bali ni baadhi ya wanasiasa kushindwa kuwa na uvumilivu kisiasa.

Walisema kwa vile wapo baadhi wamekuwa ndio wamiliki wa vyombo vya habari, ndio wanaovitumia vibaya vyombo vya hivyi vya habari, na kueleza wapendavyo hata kama maelezo hayo, yanaashiria uvunjifu wa amani.

Wakizungumza kwenye mkutano wa siku mbili wa kuangalia masuala ya utawala bora, uchaguzi na demokrasia kwa nchi za Afrika, uliofanyika Kunduchi beach hotel jijini Dar-es Salaam, ulioandaliwa na shirika la Actionaid walisema wao wanafanyakazi zao kwa kufuata misingi na sheria.

Walisema wanasiasa, ambao baadhi wanamiliki vyombo vya habari wamekuwa wakisababisha machafuko na kisha mzigo huo kuelemezwa wanahabari, jambo ambalo sio sahihi.

Mwandishi wa habari Ghania Jumbe kutoka TBC, alisema hakuna mwandishi hata mmoja, anaependa kujitokeza kwa machafuko, hasa kwa vile hutumia uweledi wakati wanapotengeneza vipindi na habari zao.

Alisema suala la machafuko ndani ya nchi na hasa baada ya kumalizika kwa uchaguzi, limekuwa likichangiwa kwa kiasi kikubwa na wanasiasa, kwa kule kutoa matamshi yanayoelezea ukosefu wa utawala bora na utawala wa sheria.

Nae Kibwana Dachi wa Chanel Ten, alisema dhana ya kufinywa kwa demokrasia wakati mwengine, ndio inayoamsha ari na hisia nyengine tofauti kwa wafuasi wa vyama vya kisiasa nchini.

Suleiman Rashid Omar wa ITV/Redio One Pemba, alisema sio vema habari kuzifanya kama biashara, hasa kama zinaviashiria vya uchochezi kwa wananchi.

“Dhana ya kuwania soko la kihabari lisipewe kipaumbele hapa Tanzania, hata kama habari au vipindi hivyo vinapenda lazima kwanza tuangalie nchi kisha ndio habari,”alieleza.

Kwa upande wake Mkufunzi wa masuala la habari Valarie Msoka, alisema lazima waandishi wa habari wajiangalie mara mbili wanapoandika habari  zao, ili kuibakisha salama Tanzania.

Alieleza kuwa, sheria kanuni na misingi ya kihabari inatakiwa ifuatwe wakati wote, kwa vile nchi inapoelekea uchaguzi au baada ya kumalizika, huwa katika kipindi kizito kwa walioshindwa.

“Kila mfuasi wa chama ambae chama chake hakikushika hatamu, huwa na mtazamo mwengine kwa chama kilichoshinda, sasa kama waandishi wakiandika habari za upande mmoja, lolote linaweza kujitokeza,”alieleza.

Mapema Kalore Kadege kutoka Actionaid, alisema lazima waandishi wa habari wawasaidie wananchi, pale serikali inapotoa matamko ya kufuta mfano wa michango ya skuli au pungozo la kodi.

Mafunzo hayo ya siku mbili, ambayo yamewashirikisha waandishi wa habari wapatao 20 kutoka Tanzania bara na Zanzibar, yaliandaliwa na Actionaid, yakilenga kuangalia dekorasia kwa nchi za Afrika.

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more