Mkuu wa Wilaya aumia wanafunzi wa kike kukatisha masomo

Na, Florence Sanawa
Sauti ya Mnyonge, Tandahimba

 MKUU wa Wilaya ya Tandahimba Mkoani Mtwara Sebastian Waryuba amesema kuwa wilaya hiyo inakabiliwa na tatizo kubwa la wanafunzi wakike kuacha shule wakiwa sekondari kutokana na kupata ujauzito wakiwa na umri mdogo.

Akizungumza wakati wa kampeni ya kupiga vita mimba kwa watoto wakike mashuleni juzi alisema kuwa changamoto hiyo inapelekea kushuka kiwango cha elimu wilayani humo huku watoto wengi wakike wakiwa katika hatari zaidi kutoana na mimba za utotoni.

Alisema kuwa shule za sekondari zinaongoza kwa wanafunzi kuacha shule hali ambayo ambayo serikali imezindua kampeni ikiwa ni mkakati ili kuweza kukomesha tatizo hilo ambalo limekuwa likikatisha ndoto za wanafunzi wengi wilayani humo.

“Kwa sehemu kubwa kumekuwa na tabia ya wazazi kukaa na kukubaliana wakati wa ujauzito wa mtoto hali ambayo inawafanya wawe na sababu nyingi kuliko maelezo jambo ambalo linapelekea wialya kurudi nyuma kielimu……..

“Ili tuweze kufikia uchumi wa kati na kuifanya Tanzania iwe ya viwanda msukumo kwa wanawake unatakiwa ili waweze kusoma hawa watoto wa kike ni akina mama wa baadae ambao wanapaswa kuungwa mkono ili waweze kutimiza ndoto zao” alisema Waryuba

Nae Afisa Maendeleo ya Jamii Mkuu wa Wizara ya Afya Maendeleo ya Jamii Jinsia, Wazee na Watoto kutoka Idara ya Maendeleo ya Watoto Christopher Mushi  alisema kuwa kampeni hiyo ni ya kitaifa ambayo ilizinduliwa hivi karibuni mkoani Mara.

“Hii ni kampeni ya kitaifa tunaenda mkoa kwa mkoa ambayo imeanzia mkoani Mara ambapo tumeona mwitikio ni mkubwa sana tunaamini kuwa tukiungana kwa pamoja tunaweza kufanikiwa…….

“Mwaka 2016 Tanzania bara zaidi ya wanafunzi Elfu 533 wa shule za sekondari na msingi ndio walioacha shule ambapo katika mikoa iliyoathirika sana ni katavi 45 tabora 43, shinyanga 41, Mara 37 ndio inayoongoza kwa wanafunzi kuacha shule” alisema Mushi

Nae Mwakilishi wa Afisa Elimu wa Wilaya hiyo Hilda Hinjo alisema kuwa watoto wengi wamekuwa wakijihusisha na vietndo vya ngono katika umri mdogo.

Alisema kuwa ipo mikakati ambayo halmashauri imeweka ili kukabiliana na tatizo la mimba ikiwemo kuwajengea uwezo walimu wa kike ili waweze kuwa na urafiki wa karibu ambao unaweza kuwapa hamasa watoto wa kike kusoma.

“Vipo vikundi vya walimu vimeundwa ili kuweza kuendeleza hii kampeni mashuleni ili tuweze kukabiliana na tatizo la mimba mashuleni  ndio maana tunaweza kusema kuwa tunataka tuwe na kauli moja ili mtoto aweze kusoma hatutaki mimba kwa mtoto wa kike ili aweze kuwa na mazingira bora katika elimu” alisema Hinjo

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more