Waomba mbadala wa mkandarasi kunusuru hali tete ya ubovu wa barabara.

Na, Mack Ngaiza
Sauti ya Mnyonge, Kanda ya Ziwa

Wakaazi wa kata ya Kahoroho na watumiaji wa barabara ya mjini Bukoba-Mugeza, wameendelea kushangazwa na kukwama kwa ujenzi wa barabara hiyo inayosababisha adha kubwa kwa shughuli za kibinadamu.

Pamoja na ubovu wa barabara hiyo hatua zilizojadiliwa tangu miaka 4 iliyopita na kupitishwa katika vikao vya baraza la madiwani hazijazaa matunda kwa sababu ambazo wananchi hawazielewi, na kutokana na hali hiyo mwenyekiti wa bodi ya wakala wa barabara mjini na vijijini na kaimu katibu tawala mkoani Kagera, wametakiwa kufuatilia uongozi wa manispaa ili kujua kwanini mkandarasi hakufika kusaini mkataba kwa muda uliopangwa.

Akizungumza kwa niaba ya mkuu wa mkoa wa Kagera, mkuu wa wilaya ya Bukoba Deodatus Kinawilo, wakati wa kusainishwa mikataba kwa wakandarasi ambao amepata tenda za kutengeneza barabara, amesema kuwa ameshangazwa na manispaa kushindwa kusainisha mkataba wao kwa madai kwamba mkandarasi anasafiri.

Amesema kuwa haiwezekani mkandarasi huyo akatae kufika kusaini mkataba kwa muda uliopangwa, na ikizingatiwa waliokuwa wameomba kazi hiyo walikuwa wengi na tayari serikali imeshatafuta fedha kwa ajili ya manispaa jumla ya shilingi bilioni 7.44 , hivyo kuna mashaka juu ya upatikanaji wa mkandarasi huyo.

Kaimu mkurugenzi manispaa ya Bukoba Chibhunu Lukiko, amesema kuwa manispaa ilikuwa imekubaliana Februari 1 kumsainisha mkataba mkandarasi ambaye ni Mwananchi Engineering Company –MAECO, ambapo pamoja na mkuu wa wilaya kumtaka afike kusaini mkataba februari 2 mwaka huu, hakufika kusaini.

Amesema kuwa mkandarasi huyo amesema kuwa hasingeweza kufika terehe hiyo kwani ameishakata tiketi ya ndege anaenda nje ya nchi, na kwamba manispaa inamtaka kufika kabla ya februari 7 mwaka huu.

Wakandarasi waliopitishwa na halmashauri zote mkoani Kagera wamesaini mikataba yenye jumla ya shilingi bilioni 6 milioni 172 na laki saba zilizotolewa na serikali kuu

Comments

Post a Comment

Popular posts from this blog

Sera ya Viwanda iendane na mabadiliko ya soko la wakulima

Image
Na Mwandishi Wetu Sauti ya Mnyonge, Singida Mwenyekiti wa taifa wa CUF,PROF.IBRAHIMU LIPUMBA(wa kwanza kutoka kushoto) akiwa na Mkurugenzi wa wanawake wa chama hicho,SALAMA MASUDI kwenye viwanja vya mkutano wa kampeni katika Kijiji cha Ughandi,wilaya ya Singida Vijijini kabla ya kuongea na wananchi hao. MKURUGENZI wa wanawake wa Chama Cha Wananchi (CUF) Taifa,Salama Masudi amesema kuwa sera ya viwanda nchini haiwezi kufanikiwa iwapo hatutaendana na mabadiliko makubwa ya soko la wakulima,na ikiwezekana katika mpango mzima wa mapinduzi ya kilimo wenye lengo la kuwawezesha wakulima wa chini kuelekea soko kuu la dunia kuweza kuinua kipato kutoka kwa wananchi maskini kabisa. Mkurugenzi huyo aliyasema hayo alipokuwa akizungumza na wananchi wakati wa kumnadi mgombea ubunge wa chama hicho kwenye mkutano wa kampeni za uchaguzi mdogo wa jimbo la Singida kaskazini uliofanyika katika Kijiji cha Ughandi,wilaya ya Singida vijijini. Alifafanua Salama kwamba baada ya wakulima kuwa wamewezeshwa hususan...
Read more

Ziara ya Jaji Mkuu Zanzibar mhe. Omar Othman Makungu katika picha

Image
MRAJISI wa jimbo mahakama kuu Pemba Hussein Makame Hussein, akisalimiana na Mkurugenzi wa Halmashauri ya Wilaya ya Micheweni Pemba, wakati alipofika hapo akijumuika kwenye ziara ya Jaji Mkuu Zanzibar, Omar Othman Makungu kisiwani humo MRAJISI wa Mahakama kuu Zanzibar Mohamed Ali Mohamed (kulia), akibadilishana mawazo na Mrajis wa jimbo mahakama kuu Pemba, Hussein Makame Hussein, kabla ya Jaji Mkuu kuzungumza na watendaji wa mahakama ya Mwanzo Dodeani Wingwi wilaya ya Micheweni, ikiwa ni sehemu ya ziara ya siku nne kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba WAFANYAKAZI wa mahakama ya mwanzo Wingwi Dodeani wilaya ya Micheweni, wakimsikiliza Jaji Mkuu wa Zanzibar Omar Othman Makungu, wakati alipofika mahakamani hapo, ikiwa ni sehemu ya ziara yake ya siku nne, kisiwani Pemba JAJI Mkuu wa Zanzibar Omar ...
Read more

Mrajisi ataka wananchi kufika mahakamani kutoa ushahidi

Image
Imeandaliwa na Haji Nassor Sauti ya Mnyonge, Pemba Mrajisi wa Mahakama jimbo la Pemba, Hessein Makame Hussein JAMII imetakiwa kujipinda na kuacha kazi zao zote, na kufika mahakamani kutoa ushahidi, ikiwa ni njia moja wapo ya kutomeza vitendo vya udhalilishaji viliovyoonekana kushamiri katika siku za hivi karibuni. Hayao yameelezwa na Mrajisi wa mahakama jimbo Pemba Hessein Makame Hussein, alipokuwa akizungumza na mwandishi wa habari hizi juu ya athari wanayoipata kwenye mahakama kwa jamii kutopenda kutoa ushahidi mahakamani. Alisema, utamaduni wa kukimbia Mahakamani na kuacha kutoa ushahidi, unadhoofisha kwa asilimia kubwa, mikakati ya kuwaadabisha wanaofanya vitendo vya udhalilishaji. Alieleza kuwa, kama jamii haikuungana pamoja hasa kwa kufika mahakamani kutoa ushahidi, kusitarajiwe kutiwa hatiani kwa mkosaji yeyote wa matendo ya udhalilishaji. Mrajisi huyo alieleza kuwa, suala la kupiga vita vitendo hivyo vya udhalilishaji, haliuhusu mahakama pakee, bali kila mmoja anaweza kushiriki...
Read more