Wananchi watakiwa kufika mahakamani kusaidia kutoa ushahidi

Na Haji Nassor, 
Sauti ya Mnyonge, Pemba

MRAJISI wa mahakama kuu jimbo Pemba Hussein Makame Hussein
MRAJISI wa Mahakama kuu jimbo Pemba, Hussein Makame Hussein, amesema ili mtenda kosa aweze kutiwa hatiani,  suala la jamii kufika mahakamani kutoa ushadi, ni moja ya njia ya kuishahiwisha mahakama kufikia hatua hiyo.

Alisema sio kweli kuwa, mwenye uwezo wa kifedha ndie anaeshinda kesi, kama baadhi ya dhana za watu zilivyo, bali kila shauri linalofikishwa mahakamani, ushahidi ndio kigezo cha hukumu.

Mrajisi huyo, alieleza hayo jana skuli ya ufundi Kengeja wilaya ya Mkoani, alipokuwa akizungumza na waalimu na wanafunzi wa skuli hiyo, akiwa na kamati yake ya maandalizi ya siku ya sheria Zanzibar.

Alisema yanapofanyika matendo kama ya jinai au madai, mahakimu na majaji huwa hawapo, hivyo mashauri hayo yanapofikishwa mbele yao, wa kuyatolea  maelezo ni mashuhda, na kisha kuiachia mahakama kufanya uamuzi.

Katika hatua nyengine, Mrajisi huyo ambae pia ndie Mwenyekiti wa Kamati ya Maandalizi ya sherehe ya siku ya sheria Zanzibar, alieleza kuwa uwepo wa dhana kuwa mwenye fedha ndio pekee anaeweza kushinda kesi sio sahihi.

“Mahakamani hakuendeshwi kesi kwa alienacho kwamba lazima ashinde, bali ushahidi ndio unaotazamwa mbele ya mahakama na sio jambo jengine lolote”,alifafanua.

Katika hatua  nyengine Mwenyekiti huyo wa Kamati ya Maandalizi ya siku ya sheria Zanzubar kisiwani humo, alisema tayari matayarisho yote kwa ajili ya sherehe hizo zimekamilika.

Kwa upande wake Mjumbe wa kamati hiyo ambae ni Mratibu wa Kituo ch a Huduma za Sheria Zanzibar ZLSC tawi la Pemba, Fatma Khamis Hemed, alisema kituo hicho kipo kwa ajili ya kutoa msaada na ushauri wa kisheria bila ya malipo.

Hivyo amewataka wanafunzi na waalimu hao, kukitumia ili wajifunze sheria mbali mbali, kwa ajili ya kujua haki na wajibu wao kwa taifa.

“Kwa vile kutokujua sheria sio kinga mbele ya mahakama kwa aliefanya kosa, sasa njooni kwenye kituo chetu, mjisomee na masuala ya kisheria au mpate ushauri na maelekezo, ili mujikinge na kujiingiza kwenye makosa yasiokuwa ya lazima”,alisema.

Katibu wa Kamati hiyo Ali Haidari Mohamed, aliwataka wanafunzi hao, kujikita kwenye kusoma ili watimize malengo yao ya baadae.

Wakili wa kujitegema wa mahakama kuu, kisiwani Pemba Zaharan Mohamed Yussuf, aliwatahadharisha wanafunzi hao, kwamba, sasa kisiwani Pemba, ipo mahakama ya watoto, hivyo wanaweza kufikishwa mahakamani kama wakifanya kosa.

Alisema, lazima wajiweke kwenye kufuata maadili na maagizo mema, na wajikinge na mambo maovu ambayo yanaweza kuwafikisha mbele ya mahakama.

MKUU wa Mkoa wa kusini Pemba Mhe: Hemed Suleiman Abdalla
Hakimu wa mahakama ya ardhi Chakechake Salum Hassan Bakar, aliwataka wanafunzi na waalimu hao, kuwa makini na ununuzi wa ardhi, kutokana na kujaa matapeli wa rasilimali hiyo.

“Kesi kadhaa zinazoletwa mahakamani hivi sasa zinahusu, utapeli wa uuzaji wa ardhi mara mbili au zaidi, na nyengine ni kuhusu mipaka, hivyo lazima jamii iwe makini, ili wajitumbuikize kwenye migogoro isiokuwa ya lazima,”alifafanua. 

Baadhi ya wanafunzi wa skuli hiyo, walisema bado elimu inahitajika zaidi, ili wananchi wapate taaluma ya mambo ya kisheria, ili wajue na haki na wajibu wao.

Siku ya sheria Zanzibar inatarajiwa kuadhimishwa Febuari 12, uwanja wa Tenis Chakechake kisiwani Pemba, na shamra shamra zake zilianza Febuari 5 kwa shughuli mbali mbali, ikiwa ni pamoja na matembezi ya chuo cha mafunzo Wete na mkutano na wadau.

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more