Polisi Zanzibar wamsaka mama aliyetelekeza kichanga benchi la wagonjwa hospitalini

Na Haji Nassor, 
Sauti ya Mnyonge, Pemba

JESHI la Polisi Mkoa wa kusini Pemba, limesema linaendelea kuweka mitego ya aina mbali mbali, ili kumnasa mama mzazi aliemtelekeza mtoto wake mchanga wa siku moja, kwenye mvungu wa bao la kukalia ndani ya hospitali ya Chambani wilaya ya Mkoani wiki iliopita.

Jeshi hilo limesema tayari limefanya uchunguuzi wa shehoa kadhaa kisiwani Pemba na hata kuwatumia baadhi ya masheha, ili kuulizia iwapo  kuna mzazi aliejifungua na kisha mtoto kutoonekana.

Akizungumza na mwandishi wa habari hizi kwa njia ya simu, Kamanda huyo wa Polisi mkoani humo Shehan Mohamed Shehan alisema, bado jeshi lake halijakata tamaa juu ya kumpata mama huyo, na ndio maana linaendelea na uchunguuzi.

Alisema, wanaweka mitego kwenye vijiji, mitaa, shehia a wilaya mbali mbali, kwa lengo la kujua habari zake na akipatikana ,baada ya kuhojiwa atafikishwa mbele ya vyombo vya sheria kujibu shitaka lake.

Hivyo, ameitaka jamii kuendelea kushirikiana na Jeshi la Polisi na wasisite kutoa taarifa wakati wowote, iwapo watapata taarifa za mama huyo aliemtelekeza mwanawe.

“Jeshi la Polisi, bado liko mafichoni likiendelea kumsaka na kumtegea mitego mbali mbali mama huyo, lakini lazima jamii na makundi yote ya watu, washirikiane na sisi, ili kutimiza malengo yetu,”alisema Kamanda huyo.

Katika hatua nyengine Kamanda huyo wa Polisi Mkoa wa kusini Pemba, amewataka wazazi na walezi wanapokuwa na vijana wao wenye ujazito kila zikikaribia siku za kujifungua kuwa nao karibu.

Baadhi ya wananchi walioshuhudia tukio hilo, walisema wakati wanasubiri huduma kwenda kwa daktari kwa ajili ya kupata huduma, ndipo waliposikia sauti ya mtoto mchanga.

Walisema, baada ya hapo walichungulia mvunguni mwa benchi waliokua wamekaa, ndipo walipomuona mtoto huyo, akiwa amevungwa kanga na kuchukuliwa na madaktari kwa uchunguuzi.

Kwa sasa tayari mtoto huyo ameshapelekwa Unguja kwenye kituo cha kulelea watoto, ingawa awali walijitokeza wasamaria wema aidi ya 10 wakiomba kupatiwa mtoto huyo.

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa ku...
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea ku...
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, k...
Read more