Waliotubu kutengeneza mkaa, wataka wenzao wanaoendelea wadhibitiwe

Na Haji Nassor
Sauti ya Mnyonge, Pemba

VIJANA kisiwani Pemba, walioamua kuachana na kazi ya upigaji mkaa, wameiomba wizara husika, kuwashughulikia vijana kutoka Tanzania bara, wanaoshirikiana na wenyeji, kuendelea na kazi hiyo kwa kasi.

Walisema, wao wameshakubali kuacha na kazi hiyo, hasa kwa vile athari yake ni ya muda mrefu inayotokana na ukataji miti, ingawa wapo wengine, wakishirikiana na wageni wakifanya kazi hiyo.

Wakizungumza na mwandishi wa habari hizi kwa nyakati tofauti, walisema kisiwa cha Pemba, kimekuwa kikipoteza miti kadhaa siku hadi siku, kutokana na ukataji hasa kwenye sekta ya utengenezaji mkaa.

Walisema lazima wizara husika, iingilie kati juu ya vijana hao, ili kuwadhibiti kwa lengo la kukinusuru kisiwa cha Pemba na upotevu wa mkubwa wa miti.

Mmoja kati ya vijana hao, Ali Mkubwa Hussein, alisema wao wameshaachana na kazi hiyo na kuelekea kwenye kilimo cha mboga mboga, na hasa baada ya kuelimishwa juu ya athari za ukataji miti.

“Sisi tuliitwa kwenye semina na kuelezwa athari za ukataji miti, na tukaombwa tuachane na kazi hiyo, lakini wenzetu hapa Pemba wanashirikiana na wengine wakifanya kazi hiyo bila ya kujali athari”,alieleza.

Haji Mohamed Omar wa Tundauwa, alisema wapo vijana kutokana Tanzania bara, wamekuwa wakiendesha kazi hiyo, kwa kukata miti kama Miembe na Mizambarau, jambo ambalo linahatarisha upotevu wa miti.

Nae Mohamed Juma Machano wa Chanjamjawiri, alisema wakati umefika kwa wizara husika, kuwatumia wale walioacha kazi ya kupiga mkaa, kuwasaka wanaofanya kazi hiyo kinyume na taratibu.

“Wapo wanaovamia misitu na kuikata bila ya kibali, sasa lazima mikakati ya kweli iwekwe, maana misitu ya Pemba, inaendelea kupotea siku hadi siku”,alifafanua.

Mapema Afisa anaeshughulikia misitu kisiwani Pemba, Said Juma Ali, alisema kimsingi kila mtu aliepo Zanzibar anatakiwa kufuata taratibu za kuheshimu sheria za nchi.

Alisema sheria za kuomba kibali kabla ya kukata miti na kuwa na kibali ya usafirishaji wa mkaa, linamuhusu kia mmoja awe mtanzania bara au mzanzibari.

“Sheria za kuomba kibali cha kukata miti, usafirishaji mkaa na ruhusa ya kufanya kazi hiyo, ni kwa watu wote, sasa sisi tutawashughulikia hata kama ni wazanzibar au wageni”,alifafanua.

Katika hatua nyengine Afisa huyo wa Idara ya Misitu Pemba, aliwataka wananchi kuendelea kushirikiana na Idara hiyo, ili kuwadhibiti wanaoendesha biashara ya mkaa pasi na kuwa na kibali husika.

Kwa mujibu wa utafiti wa “bioanuwai” uliofanywa mwaka 2012 umebaini kuwa msitu wa Zanzibar unapotea kwa asilimia 1.2 kila msitu wa ekari 100.

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more