Soma kilio cha maumivu ya kisaikolojia anacholia mama huyu aliyebakwa

Na, Shirazy Haroub
Sauti ya Mnyonge, Pemba

MWANANMKE mmoja (30) mkaazi wa Kiungoni  Wete Pemba, anaendelea kuteseka kiakili  na kimwili,  baada ya kudai kuwa amebakwa na kunajisiwa na kijana aliemtaja kwa jina la Mohamed Omar Khamis, ambae ni  mtoto wa sheha wa shehia ya Kiungoni wilayani humo.

Picha ya Mtandaoni, ikimuonyesha mwanamke
anayedondokwa na chozi
Akizungumza kwa huzuni  huko nyumbani kwao Kiungoni mwanamke huyo alisema,  tukio hilo lilitokea kipindi cha nyuma, ambapo alikutwa na mkasa huo, alipokwenda porini kutafuta kuni, ndipo ghafla alimuona kinana huyo na kuanza kumfuata nyuma huku akiwambia kuwa anataka kufanyanae mapenzi.

“Alikua ananiuliza, kwa sauti ya chini juu ya kutaka kufanya mapenzi na mimi ingawa nilikuwa nakataa na kuanza kumkimbi kimbia, lakini  mwisho akanivamia ghafla na kisha na kuniangusha chini'', alisema mweanamke huyo. 

Alifafanua kuwa, baada ya kufanyiwa tukio hilo alikurupuka na kwenda  mbio, ingawa kumbe kulikua na mwenzake aliyemtaja kuwa ni Mohamed Khamis Hamad  nae alitaka pia alitishi kumbaka.

'' Wakati naondoka nilimuona huyu mtoto wa sheha ananicheka kumbe kulikua na rafiki yake na alikuwa na mbwa, walikua pamoja akanambia nisogee na nikijaribu kukimbia atanifukuzisha mbwa , lakini sikuogopa nikafanikiwa kukimbia'' ,alisema mwanamke huyo.

Alisema, kinachomsikitisha zaidi , ni kutakiwa kuwaomba msamaha familia ya mtuhumiwa kwasababu amefanyakosa kuliripoti tukio hilo kituo cha polisi.

''Wanasema, mimi nimekosea sana, nikawaombe radhi , kwanini  sijawaambia tukakaa pamoja tukalimaliza, eti nimefanya haraka kulipeleka polisi,'' alisema mwanamke huyo.

Akizungumza na waandishi wa habari kaka wa mwanamke huyo ambae pia jina lake tunalihifadhi alisema, tukio hilo limewasikitisha sana na linaendelea kuwatesa.

Alisema, mara baada ya ndugu yake kumpa taarifa hizo ,walikwenda kuripoti kituo cha Polisi Mchangamdogo na hatua zinaendelea ingawa alisema inaonekana kuna jitihada za makusudi za kuliuwa tukio hilo, ili lisiendelee tena.

''Baba mzazi wa mtuhumiwa (ambae ndie sheha wa shehia ya Kiungoni) analeta vitisho , eti anasema tukiendelea kushikilia atatufunga, lakini sisi tunasema tukio lishafika Polisi,'' alisema kaka huyo.

Kaka huyo, aliendelea kueleza kuwa, katika mchakato wa kutaka kulimaliza tukio hilo kienyeji, familia ya mtuhumiwa imekua ikiwafuata mara kwa mara, ili walimalize wenyewe pasi na kushikilia kulipeleka katika ngazi za kisheria husika.

Kwa upande wake sheha wa shehia ya Kiungoni, Omar Khamis Othman ambe ndio baba mzazi wa mtuhumiwa, alipofuatwa na waandishi wa habari hizi alisema kuwa, tukio hilo lipo na analifahamu, ingawa halijaripotiwa rasmi katika afisi yake.

Kamanda wa Polisi mkoa wa kaskazini Pemba Haji Khamis Haji alikiri kutoke kwa tukio hilo tokea Januari 3 mwaka huu, na liliripotiwa kituo cha Polisi Mchangamdogo Januari 10, mwaka 2018.

Aliwataja watuhumiwa wa tukio ambao ni wale wale aliyowataja mdai kuwa ni Mohamed Omar Khamis (17) anaesemwa kuwa ni mtoto wa sheha) na Mohamed Khamis Hamad  (19).

Kamanda alisema tukio lililoripotiwa ni shambulio la aibu na wanaendelea kufanya mahijiano juu ya tukio hilo na ikibainika kuna ubakaji watabadilisha hati ya mashtaka na kuweka kosa la ubakaji .

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more