Mkuu wa Wilaya aagiza TAKUKURU kuchunguza mapato mgodi wa dhahabu wa Kitunda

Na Mwandishi Wetu
Sauti ya Mnyonge, Sikonge

MKUU wa wilaya ya Sikonge Mkoani Tabora Peresi Magiri ameagiza Taasisi ya Kuzuia na Kupambana na Rushwa (TAKUKURU) wilayani humo kwenda kuchunguza upotevu wa mapato ya mgodi wa dhahabu Kitunda ili wahusika wote wawajibishwe.

Amelitoa agizo hilo jana kwenye kikao cha baraza la madiwani wa halmashauri hiyo baada ya madiwani kutoridhishwa na makusanyo ya ushuru wa mgodi huo na kulalamikia uwepo wa mianya mingi ya upotevu wa mapato hayo.

Alisema lisemwalo lipo, haiingii akilini mapato ya mgodi wa dhahabu Kitunda yawe kiduchu kiasi hicho, kuna kitu hapa, ni lazima uchunguzi wa kina ufanyike ili kubaini fedha hizo zinaenda wapi na wahusika ni akina nani na hatua zichukuliwe.

‘Nimesikia malalamiko ya madiwani, naagiza uchunguzi wa haraka na wa kina ufanyike pale mgodini, TAKUKURU nenda kafanye hiyo kazi, na unipe taarifa haraka ili tuchukue hatua kwa watakaobainika’, alisema.

DC alibainisha kuwa suala la ukusanyaji mapato sio la DC au DED pekee yake, bali watumishi na madiwani wote, ushirikiano ni muhimu sana katika hili ili kubaini mianya yote ya wizi wa mapato ya halmashauri na hatua stahiki kuchukuliwa.

Mkurugenzi Mtendaji wa halmashauri hiyo Simon Ngatunga aliunga mkono agizo la DC la kutaka uchunguzi wa kina ufanyike katika mgodi huo ili kubaini mianya yote ya upotevu wa mapato hayo na wahusika wote wawajibishwe.

Alimwagiza Mkaguzi wa ndani wa halmashauri hiyo Hamza Mbongo kuungana na TAKUKURU  kukagua mapato yote yatokanayo na mgodi huo ili kubaini mianya ya upotevu wa fedha hizo na wahusika ni akina nani.

Alishauri wanasiasa kutoingiza maslahi binafsi katika mapato ya mgodi huo na kuwataka kufichua mianya yote ya upotevu wa mapato, aidha alisema wajibu wake nikuhakikisha ilani ya uchaguzi ya Chama Cha Mapinduzi inatekelezwa kwa vitendo na si kufumbia macho uharibifu.

‘Madiwani msikae kulalamika tu, yeyote mwenye ushahidi wa wizi wa mapato ya halmashauri alete taarifa ili sheria ichukue mkondo wake, serikali ya Rais Dk John Pombe Magufuli haina mchezo na wabadhirifu wa mali ya umma,’alisema.

Alifafanua kuwa mfumo unaotumika kukusanya mapato ya halmashauri ni ule wa mashine za kielekroniki na mashine zaidi ya 60 zipo katika kata zote ikiwemo kule mgodini na kila fedha inayokusanywa inasomeka moja kwa moja katika komputa.

Mwenyekiti wa halmashauri hiyo Peter Nzalalila alisema hawako tayari kufumbia macho mtu yeyote anayeiba fedha za halmashauri, ni lazima hatua za kisheria zichukuliwe haraka iwezekanavyo, TAKUKURU na Mkaguzi fanyeni uchunguzi haraka, taarifa iwe tayari ndani ya wiki moja.

Wakiongea kwa masikitiko makubwa madiwani Juma Mdullah wa kata ya Mpombwe, Fred Masamalo (Usunga), Mbaruku Mgaywa (Mole), Mbwana Seif (Kitunda) na Juma Ikombola (Misheni) walisema mgodi huo una ubadhirifumkubwa sana na hata mapato yalioandikwa sio sahihi.

Walibainisha kuwa uwiano wa mapato yaliyopatikana haviendani na uhalisia wake, ni lazima hatua zichukuliwe haraka iwezekanavyo,waliafiki agizo la DC la kupeleka TAKUKURU pale mgodini na kutakauchunguzi wa kina.

Comments

Post a Comment

Popular posts from this blog

Wananchi wajenga wodi baada ya kuchoshwa na kujifungulia sakafuni

Image
Na Florence Sanawa Sauti ya Mnyonge, Mtwara WANANCHI wa Kata ya Mnyeu yenye vijiji vine Wilayani Newala Mkoani Mtwara wamejitosa kujenga wodi na chumba cha kujifugnuliwa baada ya kuchoshwa na udongo wa vyumba hivyo hali ambayo inapelekea wanawake wengi kujifungulia sakafuni. Ujenzi huo ambao awali ulichangiwa na wakazi wa patao 3455 kwa kutoa shilingi 2000  na baadae kuongezeka kwa kutoa 10000 kwa kila kaya umeleta matuini hali ambayo imemfanya mkuu wa wilaya hiyo Aziza Mangasongo kuchangia mifuko 30 ya saruji ili kukamilisha jengo hilo ambapo mpaka sasa wametumia zaidi ya shilingi milioni 7. Akizungumza wakati wa maadhimisho ya siku ya wanawake duniani iliyoadhimishwa kijijini hapo Hawa Akram mkazi wa kijiji hicho alisema kuwa awali walikuwa wa kijifungulia kwenye chumba kidogo chenye vitanda viwili hali ambayo ili kuwa ikiwa weka kwenye hatari zaidi kutokana na wengine kujifungulia chini. Alisema kuwa kutokana tatizo hilo wanawake wengi wamekuwa wakidharirika hasa wanapotakiwa kujifu
Read more

Sita wapotea katika mazingira tatanishi wilayani Wete

Image
Na Mwandishi Wetu, Sauti ya Mnyonge, Zanzibar kamanda wa Jeshi la Polisi Mkoa wa Kaskazini Pemba Haji Khamis Haji VIJANA sita wakaazi wa kijiji cha Mitambuuni Mtambwe wilaya ya Wete, Mkoa wa kaskazini Pemba hawajulikani walipo baada ya kutokweka tokea April 4 mwaka huu. Kwa mujibu wa taarifa kutoka kwa badhi ya wanananchi wa maeneo hayo, walisema watu hao walivaamiwa na kundi la watu zaidi ya 15 waliokuwa na silaha na kuwachukua ambapo hawajui wapo walipopelekwa.  Vijana walitoweka usiku wa huo  ni Thuwein  Nassor (30) Khamis Abdalla Matar (22) Juma Kombo (17) Said Shanani (16) Khalid Khamis (29) na Abdalla Khamis (19) Baadhi ya mashuhuda wa tukio hilo walisema kuwa, wakiwa wamelala ghafla walisikia mlio wa gari ukingia kwenye kijiji chao huku watu waliovalia viatu vya buti na wakiwa wamebeba silaha za moto walishuka na kuvunja milango kwa baadhi ya nyumba. Mmoja miongoni mwa wakaazi wa Mitambuuni aliyejitambulisha kwa jina la Said Nassor Hemed alisema kabla ya kutokea kutio hilo la ut
Read more

Jaji Mkuu Zanzibar awashukia mahakimu wanaonyanyasa watuhumiwa

Image
Na, Haji Nassor, Sauti ya Mnyonge, Zanzibar JAJI mkuu wa Zanzibar Omar Othman Makungu, amewauliza mahakimu kisiwani Pemba, wamezitoa wapi sheria zinazowapa mamlaka ya kuwalazimisha watuhumiwa, kuwa na wafanyakazi wa serikali au barua za masheha kama kigezo  wanapoomba dhamana dhidi ya kesi zinazowakabili. Alisema anashangaa kuona baadhi ya mahakimu, kuwawekea masharti magumu watuhumiwa, kwa lengo la kutafuta sababu ya kuwapelekea rumande, jambo ambalo sio sahihi maana huko sio kwahali kwema kwa kukaa mwanadamu. Jaji Mkuu huyo alieleza hayo, kwa nyakati tofauti, walipokuwa akizungumza na watendaji wa mahakama za mwanzo Wingwi, Konde na Wete, ikiwa ni sehemu ya ziara yake ya siku nne kisiwani Pemba. Alisema lazima mahakimu waelewa kuwa, kumpeleka mtuhumiwa rumande ni hatua ya mwisho, na sio iwe ndio kipaumbele chao, kwa kuwekea masharti magumu au kima kikubwa cha fedha taslimu. Alieleza kuwa, yeye binafsi hajaona popote kwenye sheria, kuwa mtuhumiwa anatakiwa ili kutimiza masharti, kwamb
Read more